VILLA Franca

I.

VILLA Franca

cognomentô de Rovergue, urbs Galliae, satis culta provinciae Rutenensis, ad Veronium fluv. 8. leuc. infra Rutenos in Occasum, quot versus Cadurcum.

II.

VILLA Franca

nomen illustris in Hispania Familiae, quae Toletanae Stirpis ramus est. In hac enim Petrus Prorex Neapolit. fil. Friderici Alvari Toletani Albae Ducis, ex Maria Osoria Pimentellia (filia Ludovici Marchionis de Villa Franca) genuit Garsiam I. Toletanum Osorium Marchionem de Villa Franca Ducem de Fernandina, qui, iunctâ sibi Victoria Columniâ, suscepit Petrum, ex Elvira Mendocia, patrem Garsiae II. qui ex Maria Mendozia lineam propagavit. Phil. Iac. Spenerus, Theatrô Nobil. Europ. Patre 2. Vide eundem, Arte Heraldicâ, Tom. II.

III.

VILLA Franca

oppid. Comitatus Niceae, prope Niceam, cum arce et portu amplo, in ora maris Ligustici, 4. milliar. a Monochio in Occasum, Varum fluvium versus totidem.

IV.

VILLA Franca

oppid. Galliae tractus Bavioviensis, ad amnem Morgonem, qui Paulo infra in Ararim cadit, 6. leuc. infr a Matisconem, Lugdonum versus 5. Vulgo Ville Franche. Item villa, inter Ellam et Duranium fluv.